Gaur goizean Sarekin Sarearen beste topaketa bat egin da. Sare hori Bizkaiko ekintzailetzaren ekosistemako eragileek osatzen dute. Gosarian, Bizkaiko Ekintzailetza Eskola berria aurkeztu da ofizialki. Ekimen horrek lurraldean ekintzaile izatea erabakitzen dutenei laguntzea, prestakuntza ematea eta indartzea du helburu.
Ekitaldian, honako hauek nabarmendu dira: kolektiboaren balioa, enpleguarekiko eta ekintzailetzarekiko konpromisoa, ezagutza partekatuaren garrantzia, balioak, eraldaketa eta baterako sorkuntza, garapen ekonomiko eta sozialaren funtsezko eragile gisa.
Izan ere, gaur ekitea ez da ideia on bat edukitzea soilik, baita hainbat arlotan ezagutzak eskuratzea, negozio-plan sendo bat egitea, salmenta-teknikak menderatzea eta, jakina, prozesuarekin batera datozen alderdi administratiboak eta fiskalak ulertzea ere.
Gero eta jende gehiagok egiten du bide horren alde, eta Bizkaian egitea, laguntzen duen ekosistema batean egitea da: ekintzailetza zorroztasunez eta profesionaltasunez sustatzen duten erakundeak, programak eta baliabide publikoak. Orain, Ekintzailetza Eskola berriarekin, bide hori are eskuragarriagoa, gidatuagoa eta eraldatzaileagoa izango da.
👉 Ekimenari buruzko informazio gehiago hemen
DEMAk kudeatua – Bizkaiko Enplegu eta Ekintzailetzako Foru Agentzia
