Datorren ekainaren 18an, Harreralan programak “I Harreralan Gosaria: Enpresekin Topaketa” antolatuko du Bilbon. Ekimena Bizkaiko sektore teknologiko eta digitaleko enpresei zuzenduta dago, baita arlo teknologikoak dituzten beste sektore batzuetako erakundeei eta profil horiekin lan egiten duten ABLEei eta hautaketa-aholkularitzei ere.
Topaketa 09:00etatik 10:30era egingo da. Helburua parte hartuko duten enpresei arlo teknologiko eta digitalean prestatzen ari diren pertsona migratuen talentua gerturatzea da.
Programaren barruan, hainbat pertsona garatzen ari diren prestakuntza-prozesuetan parte hartzen ari dira. Bertan, programazioan, emaitzetara bideratutako lanean eta talde lanean gaitasunak eskuratzen dituzte, aurretik beste sektore batzuetan izandako esperientzia profesionalarekin batera.
Jardunaldiak aukera emango die enpresei Harreralan programa, erakunde sustatzaileak eta parte-hartzaileen profilak bertatik bertara ezagutzeko. Era berean, lankidetza-aukerak aztertuko dira eta kontrataziorako laguntzei buruzko informazioa eskainiko da.
Parte hartu nahi duten enpresek informazio gehiago eska dezakete nmaestro@aldalan.com helbide elektronikora idatziz.
Harreralan Bizkaiko Foru Aldundiko Enplegua, Gizarte Kohesioa eta Berdintasuna sustatzeko Saila finantzatutako ekimena da, PERTSONALDEk bultzatua eta Aldalanen lankidetzarekin.
