Lemoako Udalak 3R Tokiko Enplegu Programa aurkeztu du gaur, Lemoako Udala bera eta Aldalan elkarlanean antolatuta, eta Bizkaiko Foru Aldundiko Enplegua, Kohesio Soziala eta Berdintasuna Sailaren finantzaketarekin. Goizeko informazio-saioan berrogei pertsona inguru bildu dira, egitasmoaren helburuak xehetasunez ezagutzeko, izen-ematea egiteko eta lehen elkarrizketetan parte hartzeko. Elkarrizketa horien bidez, parte-hartzaileen profil profesionalak eta prestakuntza-beharrak identifikatu dira.