Poz handiz jakinarazten dizuegu ekimen honetan parte hartuko duten 20 mentoreen taldea osatu dela dagoeneko. Taldeak profil anitz eta osagarriak biltzen ditu eta ziur gaude gazte askoren hazkunde pertsonal eta profesionalean inspirazio eta laguntza iturri izango direla, bereziki energia berriztagarrien sektorean.
Hurrengo urrats gisa, mentore guztiekin topaketa bat antolatu dugu. Saio honen helburua elkar ezagutzea, motibazioak partekatzea eta proiektua zein bertan bakoitzak izango duen eginkizuna xehetasun handiagoz jakinaraztea da.
Bileran zehar, gazte parte-hartzaileei laguntzeko diseinatu den mentoring-prozesua aurkeztuko dugu. Metodologia arina, malgua eta erraza da, baina aldi berean esanguratsua eta aberasgarria gazteentzat eta mentoreentzat. Ez da denbora asko eskaintzea eskatzen duen programa bat; aitzitik, balioa sortzen duten elkarrizketak eta harremanak sustatzea du helburu. Gainera, Aldalaneko taldeak prozesu osoan zehar laguntza, koordinazioa eta jarraipena eskainiko ditu.
Parte-hartzea errazteko, hasierako bilerarako bi aukera prestatu ditugu:
Ekainak 10, asteazkena, 17:00etan
Online saioa
Iraupena: ordubete
Sarbide-esteka: https://meet.google.com/zww-wuih-nvq
Ekainak 12, ostirala, 09:00etan
Aurrez aurreko gosaria
Lekua: Aldalan, Plaza Eraikina, Ugasko Bidea 1, behea, Bilbo (Deustu)
Iraupena: ordubete
Era berean, proiektuarekin lotutako aukera berezi baten berri eman nahi dugu. Irailean nazioarteko prestakuntza saio bat egingo da Herbehereetan, STAR GIRLS proiektuan parte hartzen duten Europako herrialdeetako mentoreekin batera. Hautatutako 20 mentoreen artean bi pertsona aukeratuko dira nazioarteko esperientzia honetan parte hartzeko, eta bidaia zein egonaldiko gastu guztiak proiektuak finantziatuko ditu. Aukera honen inguruko xehetasun gehiago emango ditugu hasierako bileran.
Eskerrik asko berriro ere ekimen honetan parte hartu nahi izateagatik. Ziur gaude elkarrekin gazte askori etorkizun berdeago baterako aukera berriak ezagutzen lagunduko diegula eta aldi berean, balio handiko harremanak sustatuko dituen Europako mentoreen sare sendo bat eraikiko dugula.
Pozik hartuko dugu zuen parte-hartzea adierazitako datetan, eta zuekin batera proiektuaren etapa berri honi hasiera ematea.
